தரகர்கள் என்றொரு பன்றிக்கூட்டம்….

விரித்து வைக்கப்பட்டுருந்த அந்த ஆடையில் என்னால் அதற்கு மேல் எந்த குறையும். தவறும் என்னால் கண்டு பிடிக்கமுடியவில்லை. இருந்தாலும் முன்னால் அமர்ந்து இருந்தவர் திரும்பத் திரும்ப அதே வார்த்தையையே கேட்டுக்கொண்டுருந்தார். ” இல்லை, இன்னும் ஏதாவது இரண்டு குறைகள் கண்டு பிடிக்க வேண்டும் “. இதற்கு மேல் என்ன சொல்வது? வேண்டுமானால் நாமே உருவாக்கி கண்டு பிடிக்க வேண்டியது தான்.

படபடப்பில் வேர்த்து இருந்த கைகளில் அதன் விரலில் இருந்த வியர்வையை அவர் கவனிக்காத போது அந்த ஆடையின் பின்புறத்தில் தேய்த்து எடுத்துவிட்டு அவரிடம் சொன்னேன் ” இதோ இந்த அழுக்கு ஒன்று இங்கு இருக்கிறது “. திகைத்து விட்டார். ” சுக்ரியா ” என்று சொல்லி பணிக்கான ஒப்பந்தத்தை உள்ளே வரவழைத்த பெண்ணிடம் தயார் செய்யச் சொன்னார்.

வட நாட்டில் இருந்து வந்து வாழ்க்கையை வசதிகளை பல பேரின் சாபங்களைப் பொருட்படுத்தாமல் தன்னை வளர்த்துக்கொண்டு வளப்படுத்தி தனக்குண்டான இருப்பை உறுதியாக்கிக்கொண்டவர். அலுவலகத்தில் உள்ளே வரவேற்பு அறை முதல் சிறுநீர் கழிக்கும் இடம் வரையிலும் குளிர்ந்தது. தாய் பாஷையை விடாமல் ஆங்கிலம் என்றொரு பெயரில் அவஸ்த்தை பாஷையை, அலங்கோலம் என்று தெரியாமலே அதிக அலட்டலாகவே அணைவரையும் விரட்டிக்கொண்டுருந்தார்.

சமய சந்தர்ப்பங்கள் உள்ளே நுழைத்து விட்டது. இது ஒரு புதிய பாதை. எத்தனையோ நேரிடையான உற்பத்தி நிறுவனங்கள் மாற்றி மாற்றி அலைக்கழித்த போதும் உள்ளே நுழைந்து சில மாதங்களில் எனக்கான இருப்பை உறுதிபடுத்திக்கொண்டவனால் அந்த ஆறு மாதங்களும் அலங்கோலமான விபத்தை மிக அருகில் இருந்து பார்த்து விட்டு மறக்க முடியாமல் தூங்காத இரவைப்போலத்தான் நடு இரவில் திடுமென திடுக்கிட வைத்து அலற வைத்த என்னை எழ வைத்ததுக்கொண்டுருந்தது.

தலைமையானவரின் கருத்து ” தவறுகளை மட்டுமே கண்டு பிடிக்க வேண்டும். இல்லாவிட்டாலும் நாமே உருவாக்க வேண்டும். அவர்களின் பயம் என்பது நமக்கு வருமானம் மட்டுமல்ல நம்மை அவர்கள் தொடர்ந்து வரவேண்டியதன் அவஸ்யத்தை மறைமுகமாகவும் உணர்த்தி விடமுடியும். நம்மைத் தவிர வேறு எந்த வகையிலும் வௌியேறி எந்த வட்டத்திலும் அவர்கள் நுழைந்து விடக்கூடாது “.

அந்த கீத உபதேசத்தை ஏற்க முடியாதவனாய் தோற்றுக்கொண்டே இருந்தேன்.

எப்படியோ ஏதோ ஒரு வழியில் ஒரு இறக்குமதியாளர் கையில் கிடைத்து இருப்பார். ஒரு முறை அவருக்குண்டான ஒப்பந்தம் சிறப்பாக முடித்து நேரிடையாகவும் அவருடைய இடத்தில் சந்தித்ததும் மேற்கொள்ளும் பாதைக்கு அதிக வலு சேர்த்து இருக்கும். அன்று முதல் அந்த இறக்குமதியாளரின் அனைத்து திருப்பூர், இந்தியத் தேவைகள் இவர் மூலமே நடத்தப்பட்டு விடும்.

சில புத்திசாலிகள் உற்பத்தியாளரிடமிருந்து பெறப்படும் குறிப்பிட்ட சதவிகிதம் போல், அந்த இறக்குமதியாளரிடமும் குறிப்பிட்ட சதவிகிதம் பெற்றுக்கொள்வதும், முழித்துக்கொண்ட இறக்குமதியாளரிடம் பெறப்படாத தொகையை உற்பத்திளாளரிடமே பெற்றுக்கொள்வது அன்றாட வாடிக்கை,

தரகருக்கு பணம் தேவை. உற்பத்தியாளருக்கு ஒப்பந்தம் தேவை. எல்லாம் சரி தான். இந்தப் பணத்தின் ஆசை அதிகமாக அதிகமாக இடையில் நடக்கும் ” சாக்கடை” தான் என்னை அதிகமாக யோசிக்க வைத்தது.

தொடக்கத்தில் எல்லாமே சரியாகத்தான் போய்க்கொண்டுந்தது. உள்ளுர் சந்தைக்கான பனியன்கள் ஜட்டிகள் தாண்டி ஏற்றுமதிக்கான ஆடைகள் ஒவ்வொன்றாக உள்ளே வந்து கொண்டுருக்க, உழைப்புக்கு பெயர் போனவர்களும் வந்து சேரச்சேர உள்ளுர் வாசிகள் அவர்களுக்குண்டான இருப்பை நிலைநிறுத்திக்கொள்ள எல்லாம் சரியாகத் தான் போய்க்கொண்டுருந்தது. நேரிடையாக வருவார்கள். குறை நிறைகள் அலசப்படும். அடுத்த முறை திருத்தப்படும். மாற்றி எழுதப்படாத தீர்ப்புகள் சிலரின் வாழ்க்கையின் பாதையை மாற்றி விடும்.

வரிசையின் அடுத்தவர் காத்துருப்பார். விலை மேலே கீழே இறங்கும். சமார்த்தியசாலி தைரியம் துணை கொண்டு சாதித்து அதையே தொடர்ந்து அவரை தக்க வைத்துருப்பார். இருவரும் அவரவருக்குண்டான தகுதிகளினால் வாழ்க்கையை வசதியை வளர்த்து இருப்பார்கள். இடையே எவரும் இல்லாமல். எல்லாமே கேட்ட விதத்தில் கேட்கும். அவசரத்தில் எதுவுமே உடனடி சாத்யமாகவே இருந்து இருக்கும். இடையில் எந்தப் பன்றிக்கூட்டமும் நுழைய பட்சத்தில்.

படிப்பறிவு அதிகம் இல்லாத முதல் தலைமுறை ஆட்சிபுரிந்த காலத்தில் எல்லாமே மனக்கணக்காய் புள்ளி விபர புலிகளாய் இருப்பர். தொடர்புக்கென்று ஒரு தொத்தல் அங்கு தொங்கிக்கொண்டுருப்பார். தொழிலுக்கும் அவருக்கும் எந்த வித சம்மந்தமும் இருக்காது. கணக்கு ” வழக்கு ” களை கவனித்துக்கொள்ள நிர்வாகத்தை பொறுத்தவரையில் ஒரு ” கணக்குபிள்ளை “. அறைகுறை ஆங்கில அறிவும் போதுமானதாக இருக்கும்.

நுழைந்த புதிதில் அனைவரும் நம்மை கணக்குபிள்ள கணக்குபிள்ள என்றழைக்க கோபம் கண் மண் தெரியாமல் உச்சிக்கு ஏறும். ஊரில் செட்டியார் வீடுகளில் முப்பது நாற்பது வருடங்கள் வாழ்ந்து அனைத்து விஷயங்களை கவனித்துகொண்டுருக்கும் பெரியவர்களை பார்த்து அழைக்கும் வார்த்தையைப் போய் நம்மை அழைக்கின்றார்களே? என்று.

வேறு வழியே இல்லை. பழக்கப்படுத்திக்கொண்டால் எல்லாமே நம்மை பக்குவப்படுத்தி விடும்.

நுழைந்த மறுநாள் உடன் புரிந்தவர் வழிகாட்டலின் பேரில் அவருடன் உள்ளாடைக்கு பெயர் பழைய நிறுவனத்தின் உள்ளே நுழைந்தோம். வந்தவரோ கல்லில் இருந்து நார் எடுக்க கற்று இருந்தவர். அதனால் தான் என்னவோ அந்த நிறுவனத்தில் பல ஆண்டுகளாக “சகல” வசதிகளுடனும் வாழ்ந்து கொண்டுருந்தார். தனியான ராஜ்யம் வௌியே. ஆனால் அலுவலகத்திற்குள்ளே மிக அடக்கமான பிள்ளை.

தௌிவாக நடிப்பவர்களால் தானே நாளும் பொழுதும் வளர முடியும். ஒரே இடத்தில் தனது இருப்பை உறுதிபடுத்திக்கொள்ள முடியும்.

மற்றவர்களுக்கு அடிமையாக வாழ்ந்து பணிபுரிய வேண்டிய கட்டாய சூழ்நிலைக் கட்டங்கள் அமைந்தவர்கள் செய்ய வேண்டிய முதல் பால பாடம். ஊரில் இருந்து கிளம்பும் போதே வெட்கம் மானம் சூடு சொரணையை இன்னும் பல சமாச்சாரத்தை ஒரு மூட்டை கட்டி பரணில் ஏற்றி விட்டு தான் பேருந்தில் பயணிக்க வேண்டும். இல்லாவிட்டால் பின்னாளில் அவர்களும் ஏதாவது ஒரு பதிவு தொடங்கி மற்றவர்களை படுத்தி எடுக்கும் சூழ்நிலை அமைந்து விடும்.

நுழைந்த நிறுவனம் உள்ளாடைக்கு என்று பெயர் பெற்ற பெரிய நிறுவனம். முதல் போட்டுருப்பவரைப்பற்றி ஏற்கனவே தெரியும். அவரின் அணைத்து ” வேகமும் ” நான் செவி வழி கேட்ட செய்திகள். ஓவ்வொரு நிறுவன உள் அந்தரங்கமும் ஏதாவது ஒரு வழியில் காற்று வழியே ஒவ்வொருவரிடம் வந்து அடைந்து இருக்கும். காரணம் அடுத்த பேரூந்து பயணம் அந்த நிறுவனமாக இருந்து தொலைத்துவிட்டால்?

நான் வம்புகள் செய்யும் ஆளும் இல்லை. அதற்குண்டான தகுதிகளும் இல்லை.

ஆ பாவி என்று தெரிந்தவர்கள் கொடுத்த பாடமெல்லாம் மேலும் மேலும் அப்பாவியாக்கி வைத்துருந்தது. வேறு வழியும் இல்லை. சூத்திரம் புரிபடுவதே இல்லை. புரிந்த போது மனம் ஏற்றுக்கொண்டதும் இல்லை.

இருபது வருடத்தில் ஊன்றி வளர்த்துருந்த விஷயங்கள், அத்தனை எளிதாக என்னை விட்டு அகலாமல் அனுதினமும் கொன்று கொண்டுருந்தது. பாஷையை மாற்றிக்கொள்ளவேண்டும். போடும் உடைகளை கவர்வதாக உடுத்த தெரியவேண்டும். பேசும் வார்த்தைகளில் உண்மையைத்தவிர அணைத்தையும் பேச வேண்டும். இதற்கு மேலாக இரவு வந்ததும் அணைத்து ஆர்ப்பாட்டங்களிலும் பங்கு எடுத்துக்கொள்ள வேண்டும். பல சமயம் அதற்காக பையை நிரப்பி வைத்துருக்க வேண்டும்.

வாழ்ந்தாக வேண்டும் தன்னை நிலைநிறுத்திக்கொள்ள வேண்டும், என்று கட்டாயத்தில் இருக்கும் அறிமுக இயக்குநர் எப்படி வணிக சமாச்சாரங்களை தனது முதல் படத்தில் திணிப்பாரோ? அதே போலத்தான் என்னுடைய அணைத்து ஆசாபாசங்களும், புறக்கணிக்கப்பட்ட எதிர்பார்ப்புகளையும் தங்கியிருந்த குடியிருப்பு வளாக நண்பர்களுடன் அரட்டை குறும்பு சேட்டைகளில் அன்றாடம் கழித்து புத்துணர்ச்சி பெற்று விடுவதுண்டு.

அடுத்த மாநிலமும் அருகே உள்ள ஊரில் இருந்து வந்தவருமாய் ஒரே அறையில் அமைந்து விட இதற்கு மேல் அணைவருக்கும் வாசிப்பு என்றதொரு பழக்கம் அதிர்ஷடமாய் அமைந்து விட வேறு என்ன வேண்டும்? ஒரே அறை. ஓரே சிந்தனை. ஆனால் உருவமாய் மூன்று மனிதர்கள்.

நிறுவனத்தில் உள்ளே சென்ற போது என் உடன் வந்தவர் அலட்டலாய்த் தான் சென்றார். எனக்கும் அறிவுரை சொல்லியிருந்தார்.

அவரைப் பொறுத்தவரையில் அவர் உள்ளே நுழைந்து வௌியேறும் வரையில் முதலீடு போட்டவர் அவர் அருகே வந்து நிற்க வேண்டும். அரை மணிக்கு ஒவ்வொரு முறையும் பானங்கள் வந்து கொண்டே இருக்க வேண்டும். புகைக்க விரும்பும் போது அவர் பையில் இருந்து எடுத்து அழைத்துச் செல்ல வேண்டும். இவை நடந்தால் பாஸ் மதிப்பெண்.

உள்ளே வந்து செல்லும் போது குடும்பத்துக்கு மற்றும் சார்ந்தவர்களுக்கு தேவையான இருப்பு வைத்து கொள்ள வேண்டிய உள்ளாடை சமாச்சாரங்கள் பையில் போட்டு கொடுத்து விட்டால் ஐம்பது மதிப்பெண்கள். இதற்கு மேல் முழுமையான நூறு வேண்டுமானால் இரவு நேரத்தில் குடிக்கப்பட்ட பானத்திற்குப்பிறகு கொடுக்கப்படும் அஞ்சல் உறை கணம் பொறுத்து அளிக்கப்படும்.

மற்ற நிறுவனத்தில் இருந்த போது இதற்குண்டான நடை முறைகள், இவர்கள் உள்ளே வரும் போது முதல்போட்டவர் அடையும் படபடப்புச் சமாச்சாரங்கள் அணைத்தும் வேடிக்கையாளனாக பார்த்துள்ளவைகள் இன்று நானே அந்த நாடகத்தில் ஒரு கதாபாத்திரமாய்.

முதலீடு போட்டவர் உள்ளே யாரோ ஒருவரை செந்தமிழில் விளாசிக்கொண்டுருந்தார். கேட்டுக்கொண்டுருந்தவர் மணப்பெண் போல் குனிந்து கொண்டுருந்தார். ஆனால் எனக்கு மட்டும் ஒன்று புரிந்து விட்டது. இன்று கட்ட மாறுதல் உருவாக்கப்போகும் ஏதோ ஒன்று நடக்கப்போகின்றது. காயம் படாமல் நம்மை காப்பாற்றிக்கொள்ள வேண்டும். முடிவெடுத்துக்கொண்டு போடப்பட்டுருந்த ஒரு பெட்டியை ஒதுக்கிக்கொண்டு ஓரமாய் நின்று விட்டேன்.

கை ஏந்திப் பழக்கப்பட்டவனும், கடமை என்பதே பணத்தை அடிப்படையாக வைத்து பார்க்க பழக்கப்பட்டவர்களுக்கும் எல்லா சமய சந்தர்ப்பங்களும் சாதகமாகவா இருந்து விடும்? இரையை மட்டும் குறி வைத்துக்கொண்டுருந்த நண்பருக்கு முதலீடு போட்டவரின் உரை எதையும் உணர்த்த வில்லை. போடப்பட்டு இருந்த பெட்டியில் இல்லாத தவறுகளை பெரிது படுத்தி உரத்துப் பேசி அந்த இடத்தை ரணகளப்படுத்திக்கொண்டுருந்தார்.

நிர்வாக சார்பாளராய் வந்தவர்கள் அணைவருக்கும் பேச முடியா பொம்மைகளாய் மௌனித்து நின்று கொண்டுருந்தார்கள். அவர்களால் பேச முடியாது. பேசினால் சில சமயம் கப்பல் விமானமாக மாற்றப்பட்டு விடும். மேற்கொண்டு வாய்ப்பு இருந்தால் குறிப்பிட்ட சதவிகிதம் குறைந்து பேரத்தில் அக்கிரமத்தில் முடிவு செய்யப்பட்டு முடிக்கப்பட்டு விடும்.

அவர்களின் அனைவரின் அமைதி, நண்பரை மேன்மேலும் அதிர வைக்கும் சமாச்சாரத்திற்கு அழைத்துச்சென்றது. எடுத்த ஆடைகளை பார்க்காமலே தூக்கி எறிய வைக்க, பார்த்துக்கொண்டே இருந்த பகவான் ஆட்டத்தை முடித்து வைக்க உள்ளே இருந்து வந்தார். ஒன்றுமே பேச வில்லை.

விட்டாரே ஒரு அறை?

கேட்ட சத்தத்தில் எனக்கே சிறுநீர் வந்து விடும் போலிருந்தது. ஓதுங்கிக்கொண்டுருந்தவன் ஒளிந்து கொள்ளும் நிலை.

“பத்து லட்சம் முதல் போட்டவன் நான். பத்துக்காசு சம்பளத்தை வாங்கிக்கிட்டு தூக்கியா எறியுற? கட்டுங்கடா இவனை தோட்டத்துக்குள்ள ” .

என்னை ஒரே ஒரு முறை பார்த்துள்ளளார். பரவசமான சந்திப்பு ஏதும் நிகழ்ந்தது இல்லை. ஏற்கனவே தெரிந்து வைத்துருந்த காரணங்களினால் என்னால் அவருடன் அளாவமுடியாமல் வைத்துருநதது. எவருக்கும் உண்டான எல்லைகளை நான் கவனிப்பதும் இல்லை, அதை கடக்க முயற்சிப்பதும் இல்லை.

ஆட்டத்தின் சட்ட திட்டங்கள் தெரியாதவனால், புரிந்து கொள்ள முடியாதவனால் எவ்வாறு அந்த விளையாட்டில் ஜெயிக்கமுடியும்?

எல்லையைத் தாண்டி இருந்த இந்த பிரச்சனை முடிவுக்கு வந்த போது பத்து சதவிகிதம் தள்ளுபடியில் அந்தப்பெட்டிகள் பயணப்பட்டுருந்தது.

தரத்தை கவனிக்க வந்தவன் தன் வாழ்வாரத்தை கவனித்துக்கொள்ள எடுத்துக்கொள்ளும் வழிமுறைகள் போல் தலைமை வேறு வழியில் தனது பாதையை வகுத்துருக்கும். ஓப்பந்தம் கொடுத்த இறக்குமதியாளர் கேட்பது ஒன்று மட்டும் தான். எதிர்பார்க்கும் விலையில் எதிர்பார்த்த நல்ல தரம். வேறு ஒன்றும் அவருக்குத் தேவையில்லை.

ஆனால் தலைமையானவர்கள் அனைவருக்கும் ஒரு கொள்ளை கும்பலுடன் கூட்டு இருக்கும். அந்தக் கும்பல்கள் அணைவரும் ஆடைக்கு தேவையான நூல் முதல் கடைசி பயணத்திற்கு உதவும் பெட்டியில் தொடர்ந்து கப்பல் விமான நிறுவனங்கள் வரையில் கரங்கள் நீண்டு இருக்கும். இவர்களிடம் தான் இதை வாங்க வேண்டும். இவர்கள் மூலமாகத்தான், இப்படித்தான் என்று எழுதப்படாத சட்டங்கள் ஏராளமாய் இருக்கும்.

எதையும் கேட்க முடியாது. திட்டம் தௌிவாக இருக்கும். ஒப்பந்தம் கைக்கு கொடுத்து கையெழுத்து வாங்கும் வரையில் எந்த நிர்ப்பந்தமும் இருக்காது. உலக வங்கியின் நிர்ப்பந்தம் போல் ஒவ்வொன்றாக உள்ள வர கடைசியில் உற்பத்தியாளர் கோவணத்தை மட்டும் காப்பாற்றிக்கொள்ள வேண்டிய சூழ்நிலையில்.

இவர் போனால் அடுத்தவர். அதற்குப் பிறகு மற்றொருவர். ஆட்களுக்காக பஞ்சம்?

பத்துக்கு பத்து அறையாக இருக்கும். தவனையில் வாங்கியிருக்கும் ஒரு கணிணி. சுமாரான ஆங்கில அறிவு. சற்று அதிகமான அதிர்ஷடம். ஐம்பது கோடி போட்டு ஒரு சாம்ராஜயத்தை உருவாக்கி வைத்துள்ள அந்த சக்ரவர்த்தியை சமான்யமானவனாக்கி அவருடைய சரித்திர வாழ்க்கையை தரித்திர வாழ்க்கையாய் மாற்றி விடும் வல்லமை அந்த பத்துக்குபத்து ரூமில் இருக்கும்.

நேர்மை என்றால் கிலோ என்ன விலை? என்று கேட்பவர்கள் நல்ல இறக்குமதியாளரின் நல்ல எண்ணங்களை நாசகார எண்ணத்துக்கு மாற்றி அவரை அழித்து உற்பத்தியாளரையும் முடித்து சொந்த ஊரில் சுகமான வசதிகளுடன் கட்டிய வீட்டுக்கு உண்டான பத்ரிக்கையை அணைவருக்கும் விநியோகித்துக்கொண்டுருப்பார். பிறகென்ன அடுத்த வருமானத்திற்கு அச்சாரம் போட வேண்டுமே?

நரகலை உணவாக கொண்ட விலங்குக்குக்கூட ஒரு கட்டுபாடு உண்டு. உண்டு முடித்ததும் உறங்கச் சென்றுவிடும். உறங்காமல் அடுத்த வேட்டைக்கு பயணிக்கும் இவர்களின் மூளையை எந்த பன்றிக்காய்ச்சல் தாக்கும்?

Advertisements

33 responses to “தரகர்கள் என்றொரு பன்றிக்கூட்டம்….

  1. சில அயோக்கியப் பயல்களை பார்த்ததும் மொத்தமாய் தரகர்களை பன்றிக்கூட்டம் என்று எழுதிவிட்டீர்களே?

    ஏனென்றால் தயாரிப்பாளரால் கோடிக் கணக்கில் நஷ்டப்பட்ட நானுமொரு தரகனாக வாழ்வைத் துவங்கியவன்.

    வெளினாட்டில் வசிக்கும் நண்பனின் கம்பெனிக்கு டிஷர்ட் அனுப்ப முடிவு செய்து ஆர்டர் கொடுத்தபின்பு நான் பட்ட பாடு கொஞ்சம் நஞ்சமல்ல அய்யா. சரக்கு அத்தனையும் வேஸ்ட். ஆனாலும் அதையும் வாங்கிக் கொண்டேன். 1 லட்சம் பீஸ் சர்ட் ஆர்டரைக்கொடுத்து விட்டு, நான் பட்ட பாடு அந்த ஆண்டவனுக்குத்தான் தெரியும்.

    ஏதோ இருவரோ மூவரோ செய்யும் செயலுக்காக தரகர்களை விமர்சிப்பது அத்தனை நன்றாகவா இருக்கின்றது.

    ஆனாலும் நான் அந்த இடைத்தரகர்களின் போக்கை நன்கறிவேன்.ஒரு முறை டெல்லி வாலாவிடம் மாட்டிக் கொண்டேன். அவன்கள் செய்யும் அலப்பறைகளை நேரில் கண்டு ஆஃபீஸ் ரூமிற்குள் விட்டு பட்டையக் கிளப்பி செலவழித்த காசையும் வாங்கிக் கொண்டுதான் விட்டேன்.

    • நன்றி பாலகிருஷ்ணா.

      ஏழு மாதங்களுக்குப்பிறகும் இந்த எழுத்துக்கு உயிர் இருக்கிறது என்பதை தாங்கள் அளித்த விமர்சனம் மூலம் கண்டு கொண்டேன். நன்றி.

      நல்லவர்கள் இருக்கிறார்கள். ஒற்றை இலக்கத்தில். அவர்களும் இங்கு நல்லமுறையில் தொழில் நடத்த உற்பத்தியாளர்கள் விடுவதில்லை என்பதும் உண்மை.

      நீங்கள் பட்ட பாடு போல் பலரும் பட்டதை நேரில் பார்த்த அனுபவம் உண்டு. அது போல் அந்த பட்டய கிளப்பிய அனுபவத்தை பார்த்து பயந்த சூழ்நிலையும் அமைந்தும் இருந்தது.

  2. பன்றிகளைப் பார்த்து பார்த்து பழகி விட்டது நண்பரே…
    எனக்கும் இதுபோன்றதொரு அனுபவம் கிடைத்தது, ஒரு பெண் பன்றியுடன்..!

    வார்த்தைக் கட்டமைப்பு மிகக் கடினமாக உள்ளது, கொஞ்சம் எளிமையாக்கலாமே…

    • வருகைக்கு நன்றி,

      உங்கள் வருகைக்கு பின்னால் நிச்சயம் வெயில் அடித்துருக்கும் என்று நினைக்கின்றேன். காரணம் உங்கள் இடுகையை பார்த்தது உறுதி சரிதான் என்று உள்மனம் சொன்னது. ஓரே ஊரில் நிச்சயம் வெவ்வேறு திசையில் சந்திக்காமல் பயணித்துக் கொண்டுருக்கின்றோம். சொல்ல முடியாது மாறி வந்த நிறுவனங்களில் ஏதோ ஒரு இடத்தில் சந்தித்து இருக்கக்கூடிய வாய்ப்புகளும் அதிகம்.

      ஏதாவது ஒரு எடத்தில தப்பு கிப்பு பண்ணியிருந்தா பெரிய மனசோட மன்னிச்சுக்குங்கய்யா?

      முதல் முதலாக ஒரு புது இடுகையை திறந்து படிப்பதற்கு முன்னால் வௌிவந்த பெயரைப் பார்த்ததும் வாய் நிறையச் சிரிப்பு. சத்தியமாகச் சொல்கிறேன் அடக்கவே முடியவில்லை. இப்படியெல்லாம் கூட ஒரு பெயரில் ஒரு இடுகையை தொடங்குவார்களா? பெரியாரின் செல்ல வார்த்தையாக இருந்தாலும் கூட.

      நிச்சயமாக என்னை ஒப்பிடும் போது நீங்கள் மிக அதிகமான திறமை சாலி தான். மனதார ஏற்றுக்கொள்கிறேன். காரணம் பாமரனுக்குப் பிறகு உங்கள் கடிதம் படித்து பல மணி நேரம் சிரித்துக்கொண்டுருந்த போது நம்பி வந்தவள் வெம்பிக்கொண்டுருந்த நிகழ்வு முடிவுக்கு வந்து உங்கள் பதிவு எங்கள் இரவை ” இனிதாக்கி ” விட்டது. மேற் கொண்டு எனக்குப்பிடித்த புகைப்பட அணிவகுப்பு.

      என்னை விட்டு வௌியே வந்து உங்களைப் போலவே ” பொது ” வைத்து எழுத ஆசை தான். ஆனால் அறிவு அந்த அளவுக்கு இல்லை. பத்து “மீடியா” தினமும் உள்ளே நுழைந்தாலும், வாரத்தில் இருபது அச்சடித்தவைகள் படித்து முடிந்தாலும் உறுதி முடிவுக்கு வந்து விடவே முடியவில்லை. எது உண்மை எது பொய் என்பதான யோசனை முட்டும் முள்ளாய் துருத்திக்கொண்டுருக்கிறது.

      அதனால் தான் நம்மை அலசுவோம். நாட்கள் நகர்ந்த பிறகு நாலும் தெரிந்த பிறகு ரித்திஷக்கிட்டே போய் தொழில் கத்துக்கிட்டு வந்து பட்டையை கிளப்புவோம் என்று அடக்கி வைத்துள்ளேன்.

      ஐயா, திறமைசாலியே என்னைப் போலவே நீங்கள் இடுகை தொழில் நுட்ப அறிவு குறைவு உள்ளவரா? அதனால் அந்த வம்புக்கே போகாமல் தெரிந்த வரையில் உளறிக்கொண்டு இருக்கின்றேன். எதைத் தொட்டாலும், எங்கு போனாலும் அது முடிவு பெறாமலே போய்க்கொண்டுருக்கிறது. ஏன் உங்கள் வைரத்தை லாக்கரில் வைத்துள்ளீர்கள்.

      இந்த பதில் உங்களுக்கு அனுப்ப கூட எதை அனுப்புவது? எதை கிளிக்குவது என்று தெரியாமல் புரியாமல் தவித்த போதும் விடாது முயற்சியில் சீசே கதவை திறந்து விட்டேன்.

      பெண் பன்றிகள் ஜாக்கிரதை. ஆண் பன்றிகளாவது போர்டிகோ வரைக்கும் தான் இறக்குமதியாளர் அனுமதிப்பார்? ஆனால் பெண் பன்றிகளை? உங்களுக்கே தெரியும், நான் சொல்ல வேண்டுமா? பவர் சோப்பை விட வௌுத்து விடும் நம் வாழ்க்கை, மீண்டும் ஜாக்கிரதை, அதென்ன சாமிநாதன் இடுகை மூலம் போலோவை ஏலம் போடுகிறார்?

      நீங்கள் வாழ்க வளமுடன், வளர்க பல்லாண்டு.

      இப்படிக்கு

      (தென் இந்திய இனமான காவலர், எட்டுத்திக்கும் முரசு கொட்டும் எங்கள் குல வேந்தன் ஜே.கே,ரித்திஷ ரசிகர் மன்ற கூட்டாளர்)

      (கூட்டாளர் என்றால் காலையில் மன்றத்தை திறந்து கூட்டி துடைத்து விட்டு யார் வந்து டீ வாங்கித்தருவார் என்று ஏக்கமாய் பார்த்துக்கொண்டுருப்பவர் என்று அர்த்தம்)

      நட்பை நாளும் நாடும் ஜோதிஜி

      http:texlords.wordpress.com

  3. நன்றாக எழுதியுள்ளீர். என் அப்பாவும் அங்கு ஒரு கணக்கு பிள்ளையாக தான் வேலை பார்த்தார். நான் +2 முடித்தவுடன் இந்த தொழிலே நான் எடுக்க கூடாது என்று Chemical Engineering படிக்க வைத்தார். என் கூட படித்தவர்கள் எல்லாம் சொந்தமாக கம்பெனி நடத்தி கொண்டு இருக்க நான் மட்டும் பட்ட மேற்படிப்பு படித்கொண்டு இருகிறேன்.

    • புண்ணியத்தை பரிசாகத்தந்த உங்கள் தந்தையார் இருக்கும் இடத்தை நீங்கள் இருக்கும் இடத்தில் இருந்து தினமும் வணங்கி வாழ்த்துங்கள். தொழிலுக்கு அப்பாற்பட்டு வேறு துறையில் இருக்கும் உள்ளுர் மக்கள் அனைவரும் சொன்ன ஒரே கருத்து ” பணம் வருதுன்னு கிடைக்குதுன்னு அம்மாவை அவிசாரி ஆக்க முடியுமா? எழுதும் போதே அதன் அர்த்தம் சங்கடத்தை தந்தாலும் ஒரு பெரிய (வேறு துறையில்) முதலாளி சொன்ன வார்த்தை.

      உங்கள் பெயரே ஏராள கேள்விகளை கேட்கவைக்கின்றது. ஏதாவது ” குறிஞ்சி மலர் ” கதை படிக்கும் போது சைடில் நடக்கிறதா? காரணம் பின்னால் வந்து தொங்கிக்கொண்டுருப்பவருக்கு ரெண்டு தாரமாய் இருப்பதால் கேட்கிறேன். படித்து முடித்ததும் நல்ல வேதியல் ………. தயார் பண்ணவும். ராஜபக்ஷே ரிட்டயர் காலத்தில் உதவும்.

      நட்புடன். ஜோதிஜி

      https://texlords.wordpress.com

  4. நிதர்சனம் முகத்தில் அடிக்கிறது.
    அந்த பத்துக்குப்பத்து அறை மேட்டர் உண்மைதான்!

    நேரில் பார்த்திருக்கிறேன்.

    நல்ல பதிவு!

    • அது இருக்கட்டும். உங்கள் கவிதை நிதர்சனம் போல். வீட்டுக்கு வந்துட்டு காபி சாப்பிடாம வந்துட்டீங்க. சொகமா இருக்கீங்களா, உங்கள் பதிவில் உள்ளே வந்ததும் உங்கள் கவிதையை கண்டதும் சுரேகா,,,,,,, என்று உண்மையிலேயே கத்தி விட்டேன். என்னுள் அழுத்தி அழுது கொண்டுருக்கும் நிஜத்தை அப்படியே கவிதையாய் வார்த்தையாய் வடித்து இருக்கிறீர்கள். சத்யமாய் சொல்கிறேன் நானும் உங்கள் கட்சி தான். வதந்தியாய் இருந்து விடக்கூடாதா? இது வரை நக்கீரன் செய்திகள் தப்பே நடந்தது இல்லை. அந்த நம்பிக்கையில் தான் இருக்கிறேன். அந்த மாவீரன் தினத்தை எதிர்பார்த்துக்கொண்டுருக்கின்றேன். அடிக்கடி மறக்காம வீட்டுக்கு வந்து போயிட்டு இருங்க. அது சரி, உங்களுக்கும் இந்த புண்ணிய பூமியின் அறிமுகம் போல் இருக்கும் போலிருக்கு????

      நட்புடன். ஜோதிஜி

  5. என்னடா திருப்பூர் சூழ்நிலை (இப்போதைய) போல் ஒரே வானம் மப்பும் மந்தாரமாய் இருக்கிறதே? வெயிலை காணவில்லை என்று நினைத்து இருந்தேன். வருகைக்கு நன்றி,

  6. துறை சம்பந்தப்பட்டவர்களுக்கு உங்கள் எழுத்து சுற்றி வளைப்பதாகவே தெரியாது.

    மற்றவர்களுக்கு வேண்டுமானால் இருக்கலாம். இப்படியே வேர்ட்ப்ரஸ்ஸில் எப்போதும் போல் எழுதுங்கள்.

  7. //

    வருகைக்கு நன்றி. உங்கள் பத்து கேள்வியுடன் இந்தக் கேள்வியையும் சேர்த்து உங்கள் ஊரில் இலங்கை முகாமில் இருப்பவர்கள் போல் கூரை இல்லாமல் அருள்பாலித்துக்கொண்டுருப்பவரிடம் கேட்டு எனக்கு அனுப்பினால் நேற்று சுட்ட வடைமாலையை உங்களுக்கு அனுப்பி வைப்பேன்?

    ” ஏர் டெல் சூப்பர் சிங்கர் வந்து கொண்டுருக்கின்ற ஜுனியர் ல் வந்து வருகின்ற அனைத்து பெண் நடுவர்களும் புட்டாமா (ஒப்பனை) அதிகமாக கூத்துக்கட்டுபவர்கள் போல் போட்டுக்கொண்டு பேய் பிசாசுகளுக்கு சகோதரிகள் போல் தலைவிரி போலமாய் கண்ணகி வழித்தோன்றலாய் காட்சி தருகிறார்களோ ஏன்? ”

    நட்புடன் ஜோதிஜி https://texlords.wordpress.com
    //
    பதில்
    நாமக்கல் சிபி – ஜூலை14, 2009

    இந்த கேள்வியை ஏன் என்னைக் கேட்கச் சொல்கிறீர்கள்!

    //உங்கள் பத்து கேள்வியுடன்//
    நான் எந்த பத்துக் கேள்விகள் கேட்டேன்?

    புதசெவி! ப்ளீஸ்!

  8. பச்சிலை கேட்டுள்ளேன். பக்கத்தில் வந்ததும் நிச்சயம் விஷம் முறிந்துவிடும் என்ற நம்பிக்கை உண்டு. அதென்ன உங்கள் புகைப்பட பகுதியில் வந்துள்ளவை என்ன என்று எத்தணை முறை பார்த்தபோதும் புரிபடவே மாட்டேன் என்கிறது? என்னுடைய கண்ணாடியை மாற்ற வேண்டும்?

  9. >>நீங்களும் அதே தவறை செய்துள்ளீர்கள்<<

    விஷமுறி 😉

  10. வாழ்க. நன்றி. நட்புடன் ஜோதிஜி

  11. இப்படி புரியாத நடையில் எதையோ சுற்றி வளைத்து சொல்ல வந்த விஷயமே கரைந்து சூன்யமாகி வார்த்தைகள் எல்லாம் குலுக்கப்பட்ட பாதி நிறைந்த உண்டியலில் இருந்தெழும் பொருளற்ற ஓசைகளை போல பொருந்தாமல் எங்கோ இடித்து எங்கோ விழுந்து படிப்பவனின் புரிந்துணர்வின் மீது காறி உமிழ்ந்து எதோ ஒரு சாதனை படைத்து விட்டதாக படைபாளிக்கு போதை தந்தாலும் ஒன்றுக்கும் உதவாது. எழுதியதை படித்து திருத்தி மறுதிருத்தமும் செய்து அதில் உபயோகமற்ற பல பத்திகளை எரிந்து வெட்டி ஒட்டி நறுக்கி சுருக்கி எழுத பழகவேண்டியவர்கள் எதோ எழுதி கிழித்துவிட்டதாக சொல்வது கொடுமையய்யா!

    வார்த்தை எளிமை பழகுக!

    • நன்றி. வித்யாசமான முதல் திட்டு. அதெல்லாம் சரி, எனக்குச் சொன்ன அத்தனை அறிவுரையும் உங்கள் விமர்சனம் என்ற பெயரில் நீங்களும் அதே தவறை செய்துள்ளீர்கள்? முயற்சிக்கின்றேன் ஐயா.

      நட்புடன் ஜோதிஜி

  12. அணைவர், அணைத்து, கணம் என பல முறை அழுத்தி அழுத்தி சொல்லி இருப்பது சாப்பட்டில் கல் போல உறுத்திக் கொண்டே இருந்தது. கொஞ்சம் தவறில்லாமல் எழுத முயலுங்களேன்.

    • சுட்டிக்காட்டியமைக்கு நன்றி, நிச்சயம் என்னுடைய மென்பொருளை வெகு சீக்கிரம் மாற்றி விடுவேன், மேலும் தட்டெழுத்து வடிவமைப்பு உள்ளவையும் கேட்டுள்ளேன். வேறு வழியே இல்லை. தெரிந்தே செய்கின்ற தவறு. துலாவ என் விரல்களுக்கு தெம்பு இல்லை. நல்ல கீரிடத்தில் உதிர்ந்து விட்ட ஒரு கல்லாக நினைத்து திருஷடிப்பரிகாரமாக எடுத்துக்கொள்ளுங்கள். எல்லோருமே பாராட்டி விட்டால்? உங்களைப்போன்ற ஆசிரியர்கள் எனக்கு அவஸ்யம் தேவைதான். அதென்ன (அப்பா பெயர்) பெயரைப்பார்த்தாலே நீங்கள் எங்கிருந்து வந்துள்ளீர்கள் என்று புரிகின்றது. சரிதானே? உங்களைப் பற்றி என்ற இடத்திற்கு கர்ஸர் போகும் போது வாயைப் பொத்திக்கொண்டுருக்கிறது?

      உங்கள் வலைதளம் என்னை வியப்பின் உச்சிக்கு சென்றழைத்து விட்டது என்றால் துளிகூட சந்தேகம் இல்லை. இந்த வார்த்தைகளின் புரிதல் குறித்து தௌிவாகச் சொல்கிறேன். உங்களுடைய உழைப்பும் ஆர்வமும் குறித்து. இப்படியெல்லாம் கூட வலைதளத்தில் மற்றவர்களை யோசிக்க வைக்க முடியுமா என்று? புகைப்படங்கள் குறித்த வலைதளங்கள் போல் இந்தக்கட்டங்கள் ஒரு காலத்தில் என்னை பைத்தியமாக ஆக்கி வைத்து இருந்தது. இப்போது தேவியர்கள் தினமலர் வாரமலரில் அதைத் தொடர்ந்து கொண்டுருக்கிறார்கள். நான் தப்பித்து ஓடிக்கொண்டு இருக்கின்றேன். மேலும் உங்கள் பதிவை அல்லது இடுகையை முழுமையாக வலம் வந்த பிறகு?

      நட்புடன் ஜோதிஜி

  13. ஜோதி அவர்களே…நான் வெறும் வாசகன் மட்டுமே……உங்களுடைய பதிவுகள் அனைத்தும் ஏன் வாசிப்பில் அடங்கும்….என்னுடைய மறுமொழிகளை என்னுடைய மின்னஞ்சலில் இணைத்தாலோ என்னவோ தொடர்பு வரவில்லை….(iravinnisaptham@gmail.com)…..

    அப்புறம் அதென்ன “எங்கிருந்தாலும்>?” 🙂

  14. நானும் திரு நாகா அவர்களை வழி மொழிகிறேன் , உங்களுடைய பதிவு எல்லாமே நட்சத்தர பதிவு, தமிழ்மணம் மற்றும் எல்லா திரட்டிகளிலும் ஒளிர வேண்டும் ..

    உங்களுக்கு நகை சுவையும் நன்றாகவே வருகிறது, ஒரு தொடர் பதிவுக்கு உங்களை அழைத்துள்ளேன், விவரங்கள் என் பதிவில் உள்ளது. முடிந்தால் தொடரவும்

    • வருகைக்கு நன்றி. உங்கள் பத்து கேள்வியுடன் இந்தக் கேள்வியையும் சேர்த்து உங்கள் ஊரில் இலங்கை முகாமில் இருப்பவர்கள் போல் கூரை இல்லாமல் அருள்பாலித்துக்கொண்டுருப்பவரிடம் கேட்டு எனக்கு அனுப்பினால் நேற்று சுட்ட வடைமாலையை உங்களுக்கு அனுப்பி வைப்பேன்?

      ” ஏர் டெல் சூப்பர் சிங்கர் வந்து கொண்டுருக்கின்ற ஜுனியர் ல் வந்து வருகின்ற அனைத்து பெண் நடுவர்களும் புட்டாமா (ஒப்பனை) அதிகமாக கூத்துக்கட்டுபவர்கள் போல் போட்டுக்கொண்டு பேய் பிசாசுகளுக்கு சகோதரிகள் போல் தலைவிரி போலமாய் கண்ணகி வழித்தோன்றலாய் காட்சி தருகிறார்களோ ஏன்? ”

      நட்புடன் ஜோதிஜி https://texlords.wordpress.com

  15. அன்பு நண்பரே, நீங்கள் கூறிய இரவுப் பறவை நானாக இருக்க முடியாது என்றே எண்ணுகிறேன். இங்கு இரவுப் பறவை எனும் பெயரில் கருத்துப் பதிந்தது நானல்ல. என் வலைப்பூவில் இடம் பெற்ற ஒர் பதிவின் பெயர்தான் இரவுப்பறவையின் பாடல்.

  16. ஐயா நான் நாகா அவர்களை வழி மொழிகிறேன், தமிழ் மனம், மற்றும் பல திரட்டிகளிலும் உங்கள் பதிவு ஒளி விட வேண்டும் …

    உங்களுக்கு நகை சுவை நன்றாக வருகிறது… எனவே, உங்களை ஒரு தொடர் பதிவுக்கு அழைத்துள்ளேன் , விவரங்களை என் பதிவில் காணவும்.

    சர்ப்பம் , கயிறு… நீங்கள் எங்கோயோ போய்டீங்க, நீங்கள் எங்கோயோ எழதியது மாதிரி, நல்ல பாடல்கள் கேட்க்கும் போது மனதுக்கு மிகவும் இதமாக உள்ளது..போன வாரம் எங்கள் ஊரில் சங்கரன் நம்பூதிரி பாடினார், ஆரம்பித்தல
    இருந்தே நல்ல சுலபமான மெலடி பாட்டுக்கள் தான் ( நிறைய மலையாள சினிமா பாட்டுக்கள் ..கர்நாடக இசை கச்சேரியில் , எனக்கு அந்த அனுபவம் மிகவும் புதிது ) ..
    ……அலுவலகம், பணம் தின்னும் தரகர்கள், கூழகும்புடு, ..இதற்க்கு நடுவில் சில இது போன்ற நல்ல வாய்ப்புகளும் கிடைகின்றன

    • வருக உடன்பிறப்பே, அடேங்கப்பா வார்த்தைகளை படித்ததும், அடித்து பிடித்து ஊருக்குச் செல்லும் பேரூந்தில் ஏறியதும் ” அண்ணே இங்க வாங்கண்னே. உங்களும் சேர்த்து தான் இடம் பிடித்துள்ளேன் ” என்று முகம் தெரியாத அந்த நண்பர் போல் எனக்குக்கூட அதிர்ஷடம் இருக்கிறதா? என்று யோசிக்க வைத்துள்ளது. வேறு ஓன்று இல்லை, உங்களைப்போல் தொழில் நுட்ப சமாச்சாரங்கள் சம்மந்தப்பட்ட அறிவு மிகக் குறைவு. இன்று வரைக்கும் ஒரு இணைப்பு விட்டு போன ஓயரை திருக வேண்டுமானால் நான்கு கிலோ மீட்டர் பயணித்து ஒரு தெரிந்து நண்பரைத்தான் அழைத்து வந்து கொண்டுருக்கின்றேன். அந்த அளவுக்குத் தான் என் அறிவும். முடிந்து வரையில் தெரிந்த வரையில் அனைத்து தளங்களிலும் இணைப்பு கொடுத்துள்ளேன். இல்லாவிட்டால் தெரியாவிட்டால் உங்களைப்போன்றவர்களின் ஒத்துழைப்பால் என்னுடைய எழுத்துக்கள் மண் தாண்டி மலை தாண்டி கடல் தாண்டி கடைசியில் ஒளிந்துள்ள குகைக்கு அருகே இருக்கும் அந்த அழகான தேவதையை அடையும் என்று நம்பிக்கை உண்டு. முதல் வெற்றி பெற்றதும் கேரவேன் கேட்ட அலம்பல் பண்ணிக்கொண்டுருக்கும் சுப்ரமணியபுரம் கதாநாயகன் ஆசை இப்போது எனக்கு இல்லை. வருவேன், ஆனால் எப்பன்னு எனக்கே தெரியாது, உங்கள் பதிவு மூலம் தெரியப்படுத்துள்ள சவால் எனக்கு பிடித்துள்ளது. இது வரை பொட்ட மனப்பாடமா படித்து எழுதிய மாணவன் நேரிடையான சந்திப்பில் கணவான்கள் கேட்ட திடீர் கேள்வி போல் இருக்கிறது. ஆனால் என்ன? சவால்கள் தான் வாழ்க்கையை உயிர்பித்துக்கொண்டுருக்கிறது. இன்று இரவு முடிந்தால் என் பதிவைப்பாருங்கள். தேவியர்கள் தூங்கிக்கொண்டுருக்கும் இந்த அதிகாலைப் பொழுதுகளில் வீட்டுக்கு வௌியே பாரதிராஜா வௌ்ளுடை தேவைகள் பூமாரி பொழிந்துக்கொண்டுருப்பது உங்களுக்குத் தெரிகின்றதா?

      நட்புடன் ஜோதிஜி https://texlords.wordpress.com

  17. நமக்கு எழுதத் தெரியுமா? என்ற கேள்வி இப்போது நமக்குக்கூட எழுத வருகின்றது? என்பதில் முடிந்துள்ளது. ஆனால் உங்கள் வார்த்தைகள் எல்லோரும் பொறாமைப்பட்ட சின்னக் கலைவாணர் பெறப்பட்ட சமீப பட்டம் போல் இருக்கிறது. சொன்ன வார்த்தைகளை பாராட்டு என்று எடுத்துக் கொள்ளாமல் படிக்கட்டாக எடுத்துக்கொள்கிறேன். இங்கு எல்லாமே வணிக மயம் தான். கோவிலுக்குள் சென்றாலும் கூட. எங்கு தான் இல்லை என்கிறீர்களா? மதுரை முதல் குமுளி வரை இடைப்பட்ட ஊர்களில் மட்டும் தான் நான் இன்னும் நுழையவே இல்லை. பார்த்த வரையில் இங்கு சற்று மிக அதிகமாகத்தான் இருக்கிறது. ஊரில் இருந்து வந்து செட்டிநாட்டு உணவகம் என்று ஆரம்பிக்கின்ற நண்பருக்கும் ஆதரவு திரட்டி அவரை வாழ வைத்து அவர் ஊரில் வாங்கிப்போட்டுள்ள புதிய இடம் குறித்து விசாரிக்கப்போகும் போது சாப்பிடும் மீன் குழம்பு சாப்பாட்டில் மீன் வாடையைத் தவிர அணைத்தும் இருக்கிறது?

    இதே போலத்தான் “தளம்” உருவாக்கிக்கொண்டுருக்கும் நண்பர்கள் வட்டாரமும். நல்லவர்கள் சிக்குவர்கள். சற்று சிரமபப்பட்டு அலைச்சலுக்குப்பிறகு என்னுடைய உள் மன எதிர்பார்ப்புகளை அவர் வணிக நோக்கமில்லா திறமையை பறைசாற்றக்கூடியதாக இருக்கும். அதற்குள் என்னை திருத்திக்கொண்டு செல்ல வேண்டிய தூரம் அதிகம். நன்றி. உங்கள் தளத்தில் “செழுமை” அதிகம் இருக்கிறது சந்தேகம் இல்லை. ஆனால் எனக்காக பல்லாயிரம் கனவுகளுடன் பயணித்து வந்து பல நூறு மாடிக்கட்டடத்தில் அந்தரத்தில் பணியாற்றிக்கொண்டுருக்கும் ஏதோ ஒரு அடைக்க வேண்டிய கடனுக்காக அன்றாடம் அனுபவித்துக்கொண்டுருக்கும் ” அன்றாட பொழுதுகளின் ஆயிரம் அவஸ்த்தைகள் ” குறித்து ஒரு பதிவு எழுதுவீர்களா? காரணம் நான் இங்கு ஊருக்கு திரும்பி வந்த நண்பர்களைப் பார்க்கும் போது எல்லோருமே ஒரே மாதிரி துபாய் ரிட்டன் வடிவேலாகத் தான் பேசுகிறார்கள். https://texlords.wordpress.com

  18. திருப்பூர் வாழ்க்கையை புட்டுப் புட்டு வைக்கிறீர்களே? பரிந்துரைக்க மன்னிக்கவும், ஏன் நீங்கள் bloggerல் எழுதக்கூடாது, உங்கள் வலைத்தளம் மேலும் மெருகூடியது போலிருக்குமே.. உங்கள் contentன் Qualityயால் கவரப்பட்டதால் சொல்கிறேன்..

  19. சொல்வதைப் பார்த்தால் வீட்டுக்குள் பல முறை வந்தவர் போல் தெரிகிறது. இப்போது தான் யார் உள்ளே இருக்கிறீர்கள்? என்று கேட்பது போல் இருக்கிறது. விமர்சன வார்த்தைகள் போதும் வேறு அறிமுகம் தேவையில்லை என்று முடிவு செய்து விட்டீர்கள் போல். நீளம் அகலம் நான் முடிவு செய்வது இல்லை. சொல்ல வந்தவைகள் சொற்களாக முடிவு பெறும் தருணத்தில் கைகள் கணிணியில் இருந்து இயல்பாய் வௌியே வந்து விடுகின்றது. வர்த்தக சமாச்சாரம் என்றால் ஆயிரம் கட்டுப்பாடு இங்கு இல்லாதது சற்று ஆறுதல். பாலர் பள்ளியில் நுழைந்தவன் குறைந்த பட்சம் ஒன்றாம் வகுப்புக்குள் நுழைவதற்குள் நிச்சயம் என்னை திருத்திக்கொள்வேன் என்று நம்பிக்கை உண்டு. முதல் முதலாய் முக்கியமான தகவலை சொன்ன நீங்கள் எங்கிருந்தாலும்>?, அன்புடன் ஜோதிஜி, http:texlords.wordpress.com

  20. இதே பிரச்சனைதான் எங்களது அலுவலகத்தில் வேற மாதிரியாய்……..

    நன்றாக இருந்தது. உங்களது கட்டுரைகளின் நீளம் அதிகம்.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s